2018 йилнинг I чорагида “ЎзРТХБ” АЖ да 5,87 трлн сўмлик битимлар тузилиб, ўтган йилнинг мос даври билан солиштирганда 78% га ўсди. Шу жумладан, биржа савдо битимларининг ҳажми икки маротабага, яъни 5,5 трлн сўмгача кўтарилди.

Жорий йилнинг 2 апрелдан 8 апрелигача бўлган давр мобайнида “ЎзРТХБ” АЖ да 571,7 млрд сўмлик битимлар тузилиб, аввалги ҳафтага нисбатан деярли 10% га ўсди. Сотув ҳажмларининг ўсиши биржа савдолари платформасида қайд этилди.

2018 йилнинг 2 апрелидан “ЎзРТХБ” АЖда биржа савдолари орқали “Ўзпахтасаноат” АЖнинг пахта толасини ички бозорга сотувини бошланди. Биржа котировкалаш варағига пахта толаси бўйича 4-5 типдаги 1,2,3-навдаги, Олий, Яхши, Ўрта, Оддий, Ифлос классдаги 13 та стандартлаштирилган биржа шартномалари киритилди. Биржа товарини етказиб бериш шарти FCA – Ўзбекистон Республикаси ҳудудидаги ихтисослашган пахта терминаллари.

Жорий йилнинг 26 мартдан 1 апрелигача бўлган давр мобайнида “ЎзРТХБ” АЖ да 520,1 млрд сўмлик битимлар тузилиб, аввалги ҳафтага нисбатан деярли 36% га ўсди. Сотув ҳажмларининг ўсиши биржанинг барча савдо платформаларида қайд этилди.

Ўзбекистон Республикасида экспорт ҳажмини ошириш ва экспорт-импорт операцияларини соддалаштириш, озиқ-овқат хавфсизлигини таъминлаш ва иқтисодиёт тармоқларини талаб юқори бўлган маҳсулот ва хом ашё турлари билан барқарор таъминлаш бўйича қабул қилинаётган чора-тадбирларга мувофиқ, ҳамда Ўзбекистон Республикаси ва Қозоғистон Республикаси ўртасида ўзаро манфаатли иқтисодий ҳамкорликни ривожлантириш мақсадида “ЎзРТХБ” АЖ 2018 йилнинг 29 март куни Қозоғистон биржа товар бозорининг етакчиси – “ЕТС” Товар биржаси” АЖ ва Европанинг етакчи биржаларидан бири – Москва Биржаси ОАЖ (Россия) билан биргаликда бизнес учрашувини ташкил қилди.

Жорий йилнинг 12 мартдан 18 мартигача бўлган давр мобайнида “ЎзРТХБ” АЖ да 798,7 млрд сўмлик битимлар тузилиб, аввалги ҳафтага нисбатан деярли 43% га ўсди. Сотув ҳажмларининг ўсиши биржанинг барча савдо платформаларида қайд этилди.

Жорий йилнинг 13-14 март кунлари Ургенчда “Товар бозорларини либераллаштириш – фаол тадбиркорликни ривожлантириш, инновацион ғоялар ва технологияларни жорий этишни қўллаб-қувватлашнинг бош омили” мавзусида семинар ўтказилди. Семинарнинг асосий мақсади тадбиркорлар, табиий монополия субъектлари, жойлардаги ҳокимият ва бошқарув органлари вакиллари билан товар бозорларини либераллаштиришнинг замонавий тенденцияларини муҳокама қилишдан иборат бўлди.

Жорий йилнинг 5 мартдан 11 мартигача бўлган давр мобайнида “ЎзРТХБ” АЖ да 558 млрд сўмлик битимлар тузилиб, аввалги ҳафтага нисбатан деярли 28% га ўсди. Хусусан сотув ҳажмларининг ўсиши биржа ва кўргазма-ярмарка савдолари платформаларида қайд этилди.