Жорий йилнинг 24 ноябрида “ЎзРТХБ” АЖ марказий савдо залида “Ўзметкомбинат” АЖ ва «SFI MANAGEMENT GROUP» МЧЖ ХК нинг вакиллари брокерлик корпуси билан учрашув ўтказилди. Делегация таркибида “Ўзметкомбинат” АЖ Кузатув кенгашининг аъзоси К. Хасанов, тижорат масалалари бўйича бошқарув раисининг ўринбосари Я. Касимов, маркетинг ва сотувлар бошқармасининг бошлиғи Н. Марупов, ҳамда «SFI MANAGEMENT GROUP» МЧЖ ХК томонидан – молия директори А. Шамсиев, лойиҳалар менежерлари Н. Юсупова и Д. Мухтаровалар кирди.

2017 йилнинг 23 ноябрида Ўзбекистон Миллий матбуот марказида “Ўзбекистон республика товар-хомашё биржаси” акциядорлик жамиятининг (“ЎзРТХБ” АЖ) оммавий ахборот воситалари вакиллари учун “ЎзРТХБ да биржа савдолари ҳамда электрон тижоратнинг замонавий ҳолати ва ривожланиш истиқболлари” мавзусида матбуот анжумани ўтказилди. Тадбирдан кўзланган мақсад кенг жамоатчиликни ЎзРТХБ электрон савдоларининг сўнгги натижалари, ҳамда биржанинг яқин келажакдаги истиқболли ривожланиш режалари билан таништиришдан иборат бўлди.

2017 йил 17 ноябрь куни Миллий Матбуот марказида Ўзбекистон Журналистлари ижодий уюшмасининг навбатдан ташқари конференцияси бўлиб ўтди. Унда Ўзбекистон Республикаси Олий Мажлиси Қонунчилик палатаси депутатлари ва Сенати аъзолари, матбуот ва оммавий ахборот воситалари вакиллари, уюшманинг ҳудудий бўлимлари раислари, “ЎзРТХБ” АЖ раҳбари ва бошқа вакиллари иштирок этди.

2017 йилнинг ноябрь бошларида суюлтирилган газнинг биржа нархи бир тоннаси учун 1,7 млн сўмни ташкил этди.Умуман олганда, жорий йил бошларидан буён газ учун шаклланган нархлар ўртача 35% га камайди. Шу билан бирга, охирги 5 ой мобайнида биржа котировкалари ўтган йилги кўрсаткичларга нисбатан кескин даражада камайганлигини намоён этди.

2017 йилнинг бошидан буён “ЎзРТХБ” АЖ нинг биржа савдоларида 1,0 млн тонна чорва учун ем сотилиб, бу 2016 йилнинг мос даври билан солиштирганда 40% га кўпдир. Шу билан бирга энг юқори сотиш ҳажми – 138 минг тонна март ойида қайд этилди.

2017 йилнинг бошидан буён ЎзРТХБ биржа савдоларида 36,6 минг тонна полипропилен сотилди. Шу жумладан улардан 35,1 минг тоннаси ички бозорга, 1,5 минг тоннаси экспортга йўналтирилди.

2017 йилнинг 9 ойилигида “ЎзРТХБ” АЖ да 10,2 трлн сўмлик битимлар тузилиб, бу ўтган йилнинг мос даври билан солиштирганда 16,7% га кўпдир. Хусусан, биржа савдо битимларининг ҳажми 16,9% га ошиб, 8,0 трлн сўмга етди.

«Қорақолпоқ цемент» МЧЖ ХК ўз маҳсулотини «ЎзРТХБ» АЖ нинг биржа савдоларига қўйишни бошлади. Мазкур қурилиш маҳсулотини янги ишлаб чиқарувчиси Ўзбекистон Республикасининг Қораўзак туманида жойлашган. Заводнинг ишлаб чиқариш лойиҳа қуввати йилига 1,2 млн тоннани ташкил этади. Лойиҳанинг умумий қиймати 40 млн. АҚШ долларга тенг.