“ЎзРТХБ” АЖ марказий биноси ходимлар бошқаруви сохасидаги мутахассислар, рекрутинг ва консалтинг ташкилотлар вакилларининг иштрокида HR-клубининг мажлис майдончасига айланди. Мазкур тадбирнинг ўтказишдан мақсад HR-менежерларини биржа фаолияти ва унинг мутахассисларининг имконият ва салохиятлари билан таништиришдан иборат эди.

2016 йилнинг май ойида ЎзРТХБ да электрон савдо қатнашчиларнинг фаолияти сақланиб, барча савдо платформаларида ижобий кўрсаткичларни акс этди. Шу жумладан биржа савдоларининг хажми 2015 йилнинг май ойига нисбатан 53%, ярмарка савдолари 47%, давлат харидлари 15%, корпоратив харидлар 29%га ўсди. Бунда биржада тузилган битимларнинг умумий хажми 50%га ўсиб, 1,0 трлн сўмдан ошиб кетди.

Ўтган ҳафтада ЎзРТХБ халқаро болаларни ҳимоя қилиш кунини нишонлади. Биржа марказий биносида бўлиб ўтган байрамни ташаббускори ва ташкилотчиси ЎзРТХБ маъмурияти ҳамда касаба уюшмаси қўмитаси бўлди.

2016 йил 27 май куни биржанинг марказий аппарат биносида “ЎзРТХБ” АЖ акциядорларининг умумий йиллик йиғилиши ўтказилди. Йиғилиш давомида акциядорлар томонидан жамиятнинг йиллик молиявий хўжалик ҳисоботи, Кузатув кенгаши ва тафтиш коммисиясининг ҳисоботлари тасдиқланди. Йиғилишда Кузатув кенгаши, тафтиш комиссияси ва жамият бошқармасининг янги таркиби сайланди, ҳамда жамият Низомига қўшимча ва ўзгартиришлар киритилиш масалалари кўриб чиқилди. Шунингдек акциядорларга ташқи холис аудиторнинг ижобий хулосаси тақдим этилди ва бошқа масалалар кўриб чиқилди.

2016 йилнинг 17 майида Навоий шаҳрида “ЎзРТХБ” АЖ мутахассисларнинг кичик бизнес ва хусусий тадбиркорлик вакиллари билан навбатдаги учрашув бўлиб ўтди. Тадбир “ЎзРТХБ” АЖ Навоий филиали, Ғазначилик ва Савдо-саноат палатасининг Навоий вилоят бошқармалари томонидан ташкил этилди.

Сўнги ойларда биржанинг суюлтирилган газ бозорида нархларнинг пасайиш тенденцияси шаклланди. Хусусан жорий йилнинг март – май ойларида суюлтирилган газнинг ўртача нархи 26 фоизга пасайиб, унинг бир тоннаси 1,6 млн сўмни ташкил этди. Бунда апрель ойига келиб газнинг савдо ҳажми 2016 йил учун оралиқ рекорд даражасига чикиб олди, яъни 36 минг тоннадан ошди.

2016 йилнинг апрель ойида ЎзРТХБ нинг барча савдо платформаларида ижобий динамика сақланиб қолди. Шу жумладан биржа савдоларининг ҳажми 37 фоизга, ярмарка савдолари – 30 фоизга, давлат харидлари 34 фоизга ва корпоратив харидлар 27 фоизга ошди. Бунда биржада тузилган битимларнинг умумий ҳажми 47 фоизга ўсиб, 1,0 трлн сўмни ташкил этди.

2016 йилнинг 30 апрелда “ЎзРТХБ” АЖ марказий офисининг биносида биржа филиалларининг ходимлари учун ўқув семинар ташкил этилди. Ушбу тадбирдан кўзланган мақсад биржа филиал ходимларини электрон савдоларни ташкил этиш ва уларга янги мижозларни кенг жалб этиш бўйича профессионал билим ва кўникмаларини ошириш, биржа филиаллари фаолиятини самарадорлигини ошириш, ҳамда семинар иштирокчиларини биржада жорий этилган сўнгги янгиликлар билан таништиришдан иборат эди. Семинарда биржанинг 40 та ходимлари иштирок этиб, уларнинг аксарият қисмини маклер ва электрон савдолар бўйича мутахассислар ташкил этди.