Биржа филиал ходимлари учун ўқув семинари ташкил этилди
2016 йилнинг 30 апрелда “ЎзРТХБ” АЖ марказий офисининг биносида биржа филиалларининг ходимлари учун ўқув семинар ташкил этилди. Ушбу тадбирдан кўзланган мақсад биржа филиал ходимларини электрон савдоларни ташкил этиш ва уларга янги мижозларни кенг жалб этиш бўйича профессионал билим ва кўникмаларини ошириш, биржа филиаллари фаолиятини самарадорлигини ошириш, ҳамда семинар иштирокчиларини биржада жорий этилган сўнгги янгиликлар билан таништиришдан иборат эди. Семинарда биржанинг 40 та ходимлари иштирок этиб, уларнинг аксарият қисмини маклер ва электрон савдолар бўйича мутахассислар ташкил этди.
Batafsil
«ЎзРТХБ» АЖда биринчи чорак якунлари муҳокама қилинди
2016 йилнинг 22 апрель куни “ЎзРТХБ” АЖ бошқарувининг 2016 йилнинг биринчи чорак якунлари ва иккинчи чорак вазифаларига бағишланган кенгайтирилган мажлиси бўлиб ўтди. Мажлисда марказий аппарат бўлимлар ва ҳудудий филиалларнинг бошлиқлари иштирок этдилар.
Биржанинг листинг комиссияси 337 та аризаларни кўриб чиқди
2016 йилнинг I кварталида «ЎзРТХБ» АЖ нинг листинг комиссияси 15 та йиғилиш ўтказиб, уларда товарларни биржанинг котировкалаш варағига киритиш бўйича 337 та аризалар кўриб чиқилди. Ушбу йиғилишларнинг натижаларига кўра биржа бозорида 330 та стандарт шартномалар очилибди, бу эса ўтган йилнинг мос даври билан солиштирганда 42 шартномага кўпдир.
ЎзРТХБ Миллий матбуот марказида матбуот анжуманини ўтказди
2016 йилнинг 7 апрель куни Ўзбекистон миллий матбуот марказида «Ўзбекистон республика товар-хомашё биржаси» акциядорлик жамияти (ЎзРТХБ) томонидан оммавий ахборот воситаларининг ходимлари учун “ЎзРТХБ электрон савдоларида кичик бизнес ва хусусий тадбиркорлик субъектлари иштирокини кенгайтириш” мавзусида матбуот анжумани ўтказилди.
ЎзРТХБ да март ойи якунлари
2016 йилнинг март ойида ЎзРТХБ да тузилган битимларнинг умумий ҳажми ўтган йилнинг шу даври билан солиштирганда 39 фоизга кўтарилиб, 1,0 трлн сўмдан ошди. Бунда биржа савдолари ҳажми 38 фоизга, ярмарка савдолари 60 фоиз, давлат харидлари 7 фоиз ва корпоратив харидлар 20 фоизга ошганлигини кўриш мумкин.
Биржа «Пул маблағларини қайтариш» янги интерактив хизматини жорий этди
2016 йилнинг 4 апрелидан “ЎзРТХБ” АЖ да «Биржа савдолари бўйича пул маблағларни қайтариш» янги интерактив хизмати жорий этилмоқда. Мазкур хизмат биржанинг махсус ахборот порталида мижознинг шахсий кабинети (client.uzex.uz) орқали тақдим этилмоқда.
Ташаббус-2016: якуний босқичга қадар
24-25 март кунлари Тошкентда «Туркистон» санъат саройида Ўзбекистон Республикаси президенти соврини учун тадбиркорлар, фермерлар ва ҳунармандлар ўртасида ўтказиладиган “Ташаббус-2016” кўрик-танловининг республика босқичи бўлиб ўтди.
“ЎзРТХБ” АЖ Фарғона филиали бизнес-форум ўтказди
2016 йилнинг 18 мартида Фарғона шаҳрида “ЎзРТХБ” АЖ Фарғона филиал раҳбарлари ва мутаҳассислари маҳаллий бизнес вакиллари билан кенгайтирилган учрашув ўтказди. Мазкур бизнес-форум “ЎзРТХБ” АЖ томонидан кичик бизнес ва хусусий тадбиркорлик субъектларини товар бозорларида электрон тижорат сохасига жалб этиш лойиҳаси доирасида ташкил этилди.
Биржанинг пахта линти бозорида савдолар фаоллашди
Жорий йилнинг бошидан бери биржанинг пахта линти бозорида савдолар сезиларли даражада фаоллашди. Хусусан, 2016 йилнинг икки ярим ойлари мобайнида биржа орқали сотилган пахта линтининг ҳажми ўтган йилнинг мос даври билан солиштирганда уч маротабага ошиб, 14,0 минг тоннани ташкил этди.