Ўзбекистонда биржанинг суюлтирилган газ бозори изчил ривожланиб бормоқда. Хусусан, 2015 йилнинг 19 сентябрдан биржа савдоларида углеводородни сотувчиларини рўйхати навбатдаги ишлаб чиқарувчи "UZ-KOR GAS CHEMICAL" ҚК ҳисобига кенгайтирилди.

Биржанинг қурилиш ойнасида фаол савдолар сақланмоқда. Хусусан, жорий йилнинг бошидан бери электрон биржа савдолари орқали 3,5 кв.м. қурилиш ойнаси сотилиб, бу ўтган йилга нисбатан 85%га кўпдир. Мазкур маҳсулотнинг асосий сотувчиси “Кварц” АЖ Марказий Осиёда ойна маҳсулотларнинг ишлаб чиқариш бўйича энг йирик корхона ҳисобланади.

2015 йилнинг 13 августида Миллий матбуот марказида Ўзбекистон республика товар-хомашё биржаси томонидан «Ахборот-коммуникация технологиялари – биржа савдолари ривожланишининг муҳим омили» мавзусида матбуот анжумани ўтказилди. Учрашувнинг ўтказилишидан кўзланган мақсад замонавий ахборот-коммуникация технологияларини ЎзРТХБнинг биржа, ярмарка ва аукцион савдоларида жорий этилиши ҳолатлари ва истиқболлари билан оммавий ахборот воситаларини таништиришдан иборат эди.

ЎзРТХБдаги техник олтингугурт бозорида янги иштирокчи «LUKOIL Overseas Supply and Trading Ltd» фаоллашди. Ушбу корхона июль ойининг ўзида 201 млн сўмга 3,7 минг тонна олтингугуртни биржа орқали сотди. Унинг олтингугурт сотувчилар кесимидаги тулизмасидаги улуши 14 фоиздан ошди.

Кичик бизнес ва хусусий тадбиркорлик субъектларининг электрон савдолардаги кенг иштирокини таъминлаш учун қўшимча қулайликларни яратиш мақсадида, “ЎзРТХБ” АЖ “Ўззстандарт” Агентлиги билан ҳамкорликда биржада шартномаларни тузишни расмийлаштириш жараёнини енгиллаштириш имконини берувчи янги дастурий маҳсулотни ишлаб чиқиб, жорий этди.

25 июль куни “ЎзРТХБ” АЖнинг марказий идорасида биржа фаолиятининг 2015 йилнинг биринчи ярим йиллик натижаларига бағишланган “ЎзРТХБ” АЖ бошқарувининг кенгайтирилган мажлиси бўлиб ўтди. Ушбу мажлисда марказий аппаратнинг таркибий тузилмалари ва худудий филиалларнинг бошлиқлари иштирок этдилар.

Биржанинг цемент бозори қурилиш мавсуми авж олганлигига қарамасдан сўнги 3,5 ой давомида пасайиш динамикасини намоён этди. Хусусан июль ойнинг биринчи ярмида ПЦ400 Д20 маркали цементнинг ўртача нархи 258,2 минг сўмни ташкил этди ва бу март ойида қайд этилган 2015 йилнинг энг юқори нархидан 16%га пастроқдир.

Брокерлар ва биржа мижозларига қўшимча қулайликлар яратиш, ҳамда биржа савдоларида ахборот-коммуникация технологиялар (АКТ) ни тадбиқ этиш орқали ошкоралик ва очиқ-ойдинликни таъминлаш мақсадида Ўзбекистон Республика товар-хомашё биржасининг мутахассислари томонидан UZEX мобил иловаси ишлаб чиқилди ва жорий этилди.