Биржа мижозларига ҳисоб-китоб клиринг хизматларини кўрсатиш бўйича семинар ўтказилди
Жорий йилнинг 3 августида “ЎзРТХБ” АЖ нинг марказий офисида “Ҳисоб-китоб клиринг палатаси (ҲКП) фаолиятининг ўзига хос жиҳатлари, ҳамда интерактив хизмат ёрдамида мижозлар ва брокерлар учун яратилган имкониятлари” мавзусида семинар ўтказилди. Унинг ташкилотчилари сифатида биржанинг ҲКП ходимлари иштирок этдилар. Мазкур тадбирнинг ўтказишдан кўзланган мақсад шахсий кабинет имкониятларидан фойдаланишда мижозлар ва брокерларнинг фаоллигини ошириш, ҳамда уларга ҲКП фаолиятининг мижоз ва брокерлар билан ўзаро ишлашнинг ўзига хос хусусиятларини тушунтиришдан иборат бўлди.
Батафсил
Давлат ва корпоратив харидларни такомиллаштириш бўйича навбатдаги ҳукумат қарори қабул қилинди
Давлат ва корпоратив харидларнинг шаффофлиги ва рақобатдошлигини ошириш, уларни амалга ошириш жараёнига замонавий ахборот-коммуникация технологияларини жорий этиш ва харидлар жараёнида ҳуқуқбузарликларни олдини олиш мақсадида Ўзбекистон Республикаси Вазирлар Маҳкамаси 2016 йилнинг 27 июлда “Ўзбекистон республика товар-хомашё биржаси” акциядорлик жамиятининг махсус ахборот портали ҳамда давлат ва корпоратив харидларни амалга ошириш жараёнларини янада такомиллаштириш чора-тадбирлари тўғрисида” 242-сонли қарорини қабул қилди.
Ярмарка савдоларининг электрон тизими янгиланди
ЎзРТХБ электрон савдоларни такомиллаштириш ишлари доирасида электрон тижорат негизини ташкил этувчи кўргазма-ярмарка савдолари (КЯС) электрон тизимини модернизациялаштирди. Биржа мутахассислари дунёда интернет-трейдингнинг оммалашувини ҳисобга олиб янги инновацион ечимлар асосида КЯС тизимини изчил равишда ривожлантириш бўйича ишларни олиб бормоқда.
«ЎзРТХБ» АЖда 2016 йилнинг биринчи ярим йиллик якунлари муҳокама қилинди
2016 йилнинг 23 июлида “ЎзРТХБ” АЖ бошқарувининг 2016 йилнинг биринчи ярим йиллик якунлари ва учинчи чорак вазифаларига бағишланган кенгайтирилган мажлиси бўлиб ўтди. Мажлисда марказий аппарат бўлимлар ва ҳудудий филиалларнинг бошлиқлари иштирок этдилар.
«ЎзРТХБ» АЖ да учрашув бўлиб ўтди
Жорий йилнинг 20 июлида биржа биносида Ўзбекистон Республикаси Бош прокуратураси қошидаги солиқ, валюта жиноятлари ва жиноий фаолиятдан олинган даромадларни легаллаштиришга қарши курашувчи Департамент, “ЎзРТХБ” АЖ вакиллари ва биржа аъзолари иштирокида учрашув бўлиб ўтди.
Гулистон ва Жиззахда тадбиркорлар учун семинарлар ўтказилди
2016 йилнинг 21-22 июлларида Гулистон ва Жиззах шаҳарларида кичик бизнес ва хусусий тадбиркорлик субъектларини электрон тижорат соҳасига жалб қилиш мақсадида тадбиркорларнинг давлат ва корпоратив харидлардаги иштироки масалаларига бағишланган семинарлар ўтказилди. Тадбирлар ташкилотчилари сифатида “ЎзРТХБ” АЖ ҳудудий филиаллари, Сирдарё ва Жиззах вилоятларининг Ғазначилик ва Савдо-саноат палатасининг бошқармалари иштирок этишди.
ЎзРТХБ илк маротаба полипропилен бўйича биржа савдоларини ўтказди
2016 йилнинг 19 июлдан биноан ЎзРТХБ тарихида илк маротаба полипропиленни сотиш бўйича биржа битимлари тузила бошлади. Ушбу янги маҳсулотнинг сотувчиси "UZ-KOR GAS CHEMICAL" МЧЖ қўшма корхонаси ҳисобланади. Бугунги кунда полипропиленни сотиш учун биржа бозорида ҳар бир лот 1 тоннадан иборат 7 та шартномалар очилган. Товарни етказиб бериш шарти EXW Устрюрт газ-кимё мажмуаси. Мазкур шартномалар бўйича савдога қўйиш кунлик ҳажмлар 300 тоннани ташкил этади.
ЎзРТХБ да июнь ойи якунлари
Ўтган ойда биржа савдолари бўйича кузатилаётган ижобий динамика сақланди. Тузилган битимларнинг умумий ҳажми 2015 йилнинг июнь ойи билан солиштирганда 53% га ошиб, 1,07 трлн сўмни ташкил этди. Улар қаторида биржа савдоларининг ҳажми 817,0 млрд сўм, ярмарка савдолари 155,5 млрд сўм, давлат харидлари 54,4 млрд сўм, корпоратив харидлар 42,7 млрд сўм ва электрон каталог 9,7 млрд сўмни ташкил этди.
ЎзРТХБ электрон каталог тизимига бағишланган матбуот анжуманини ўтказди
2016 йилнинг 29 июнь куни Ўзбекистон миллий матбуот марказида Ўзбекистон республика товар-хом ашё биржаси (ЎзРТХБ) томонидан ОАВ ходимлари учун “Давлат харидлари тизимида электрон каталогнинг тутган ўрни ва аҳамияти” мавзусида матбуот анжумани ўтказилди. Мазкур тадбирдан кўзланган асосий мақсад кенг жамоатчиликни биржанинг янги савдо платформаси – электрон каталог фаолияти натижалари билан яқиндан таништиришдан иборат бўлди.