Биржа корпоратив харидлар буюртмачилари билан учрашув ўтказди
“ЎзРТХБ” АЖ E-Xarid электрон тизимни самарали фаолият юритишини янада ошириш мақсадида корпоратив харидларнинг буюртмачилари билан учрашув ўтказди. Тадбирда Корпоратив харидлар бўйича Ҳукумат комиссиясининг ишчи органи ҳисобланмиш Давлат рақобат қўмитасининг вакиллари ҳам иштирок этдилар.
Батафсил
«ЎзРТХБ» АЖга ISO 9001:2015 (O’z DSt ISO 9001:2015) халқаро ва миллий сертификациялари топширилди
2017 йилнинг 2 майида “ЎзРТХБ” АЖнинг марказий офисида сифат менежменти тизимини халқаро ISO 9001:2015 ва миллий O’z DSt ISO 9001:2015 стандартлар талабларига мувофиқлик сертификатларини тантанали топшириш маросими бўлиб ўтди.
Полипропиленнинг биржадаги сотуви 15 минг тоннадан ошди
2016 йилнинг июлидан буён "UZ-KOR GAS CHEMICAL" МЧЖ ҚҚнинг полипропилени “ЎзРТХБ” АЖнинг биржа савдоларига қўйилмоқда ва унга бўлган талаб миллий товар ишлаб чиқарувчилар томонидан изчил ортиб бормоқда. Ўтган даврда биржа савдоларида сотилган полипропиленнинг умумий ҳажми 15,0 минг тоннадан ошди.
ОКМК биржанинг цемент бозорида фаоллашди
Жорий йилнинг бошидан буён Жиззах вилоятининг Зафаробод туманида жойлашган «Олмалиқ КМК» АЖнинг цемент заводи биржа орқали 200 минг тоннадан зиёд цемент сотди ва бу 2016 йилнинг мос даврига нисбатан 36 фоизга кўпдир. Биржа савдоларида сотув ҳажмларини ўсганлиги сабабли, ушбу корхонанинг цемент бозори таркибида улуши 2%га ўсди ва 10%ни ташкил этди.
«ЎзРТХБ» АЖда 2017 йилнинг биринчи чорак якунлари муҳокама қилинди
Жорий йилнинг 20 апрель куни “ЎзРТХБ” АЖ бошқарувининг 2017 йилнинг биринчи чорак якунлари ва иккинчи чорак вазифаларига бағишланган кенгайтирилган мажлиси бўлиб ўтди. Мажлисда марказий аппарат бўлимлар ва ҳудудий филиалларнинг бошлиқлари иштирок этдилар.
Жаҳон банкининг делегацияси товар биржасига ташриф буюрди
2017 йилнинг 14 апрелида Жаҳон банкининг делегацияси “Ўзбекистонда давлат харидлари самарадорлигини яхшилаш” техник ёрдами лойиҳасини амалга оширилишини қўллаб-қувватлаш мақсадида “ЎзРТХБ” АЖга ташриф буюрди.
«ЎзРТХБ» АЖнинг махсус ахборот портали янгиланди
“ЎзРТХБ” АЖ корпоратив веб-сайтнинг редизайнини якунлаб, www.uzex.uz – махсус ахборот порталини янгиланган нашрини синов тартибида ишга туширди. Портални модернизациялашдан кўзланган мақсад “Халқ билан мулоқот ва инсон манфаатлари йили” Давлат дастури доирасида биржа маълумотларидан фойдаланишни енгиллаштириш, электрон савдолар очиқ-ойдинлиги ошириш ва кўрсатилаётган хизматлар сифатини яхшилашдан иборат бўлди.
ЎзРТХБ да 2017 йилнинг март ойи якунлари
Жорий йилнинг март ойида «ЎзРТХБ» АЖнинг электрон савдоларида тузилган битимларнинг умумий ҳажми 2016 йилнинг мос даври билан солиштирганда 19,8%га ўсиб, 1,2 трлн сўмни ташкил этди. Ўз навбатида кўрсаткичларнинг ўсиши биржанинг барча савдо платформаларида қайд этилди.
«UZEX» мобил иловаси мукаммалаштирилди
Биржа савдолари иштирокчилари учун қўшимча қулайликлар яратиш мақсадида жорий йилнинг 4 апрелидан Google play иловалар дўконида «UZEX» мобил иловасининг янгиланган нашри чиқарилди.