Ассалому алайкум ҳурматли меҳмонлар!

Аввалам бор барчангизни юртимизга кириб келатаёган Наврўз байрами билан чин қалбимдан табриклайман!

Шу фурсатдан фойдаланиб сизларга баҳорий кайфият, бахт ва омад тилайман. Наврўз байрами хонадонларингизга фаровонлик, қувонч ва шодлик келтирсин!

Ўзбекистон республика товар-хомашё биржасининг Андижон филиали биносини тантанали очилиш маросимининг айнан бугун ўтказилиши мана шу байрамга муносиб совға бўлди десак муболаға бўлмайди. Чунки замонавий услубда қайта таъмирланган ушбу бино Андижон халқига сифатли биржа хизматларини кўрсатиш учун кенг имкониятларни очиб беради. Шу жумладан замонавий электрон савдо технологиялари, малакали биржа ходимлари ва брокерлари, интерактив хизматлар сизларнинг хизматингизда.

Амалга оширилган таъмирлаш ишлари биржа мижозлари учун қўшимча қулайликларни яратиш ва электрон савдоларни очиқ-ойдинлигини таъминлашга қаратилган эди.

Очилаётган ушбу бино кейинчалик Андижонда олиб борилаётган бозор ислоҳотларини янада чуқурлашуви ва айникса вилоятда тадбиркорлик фаолиятини янада ривожланишига ўз ҳиссасини қўшади деб умид қиламан.

Яна бир бор барчангизни Наврўз айёми муборак бўлсин!

Эътиборингиз учун раҳмат!