2024 йил 14 декабрдан Ўзбекистон республика товар-хом ашё биржаси домен номларини сотиш бўйича янги domain.uzex.uz электрон савдо платформасини ишга туширди.
Мазкур платформада харидоргир ҳарфлар ва рақамлар комбинациясига эга бўлган «.UZ» доменидаги фойдаланилмаётган домен номлари очиқлик ва бозор тамойиллари асосида бошланғич нархни ошириш онлайн-аукционлар ўтказилади.
Фойдаланилмаётган домен номлари биржанинг domain.uzex.uz электрон савдо тизими савдоларига ягона интегратор «UZINFOCOM» МЧЖ томонидан қўйилади.
Эслатиб ўтамиз, жорий йилнинг апрель ойида «Ўзбекистон республика товар-хом ашё биржаси» АЖ ва Ягона интегратор «UZINFOCOM» МЧЖ ўртасида ўзаро ҳамкорлик меморандуми имзоланган эди.
Маълумот учун: UZINFOCOM давлат ахборот тизимларини яратиш ва қўллаб-қувватлаш бўйича ягона интегратор ва .UZ домени маъмури ҳисобланади.
Курилди: 1135