HURMATLI AKSIYADORLAR!

“O‘zRTXB” AJ aksiyadorlariga 2023-yil 18-mart kuni soat 11:00da aksiyadorlarning yillik umumiy yig‘ilishi o‘tkazilishini ma’lum qiladi.

Aksiyadorlarning umumiy yig‘ilishi aksiyadorlar umumiy yig‘ilishlarini masofadan turib Internet tarmog‘ida onlayn rejimda o‘tkazishga mo‘ljallangan “Elektron ovoz berish - eVOTE” (http://evote.uz/) elektron ovoz berish servisi orqali o‘tkaziladi.

Aksiyadorlarning yillik umumiy yig‘ilishida ishtirok etuvchi “O‘zRTXB”AJ aksiyadorlari reyestrini shakllantirish kuni: 2023-yil 14-mart.

Kun tartibi:

1. “O‘zRTXB” AJ aksiyadorlari umumiy yig‘ilishining reglamentini tasdiqlash.

2. “O‘zRTXB” AJning yillik hisobotini va 2022-yil uchun biznes-reja parametrlarining bajarilishini, shuningdek “O‘zRTXB” AJni rivojlantirish strategiyasiga erishish bo‘yicha ko‘rilayotgan chora-tadbirlar to‘g‘risidagi hisobotni tasdiqlash.

3. “O‘zRTXB” AJ Kuzatuv Kengashining 2022-yildagi faoliyati yakunlari bo‘yicha hisobotini eshitish.

4. “O‘zRTXB” AJning 2022-yilgi moliyaviy-xo‘jalik faoliyati yakunlari bo‘yicha taftish komissiyasining xulosasini tinglash.

5. “O‘zRTXB” AJning 2022-yilda milliy buxgalteriya standartlari va xalqaro moliyaviy hisobot standartlari bo‘yicha tuzilgan moliyaviy hisobotini tekshirish natijalari bo‘yicha auditorlik xulosalarini ko‘rib chiqish.

6. 2022-yil uchun “O‘zRTXB” AJ tomonidan SMK (samaradorlikning muhim ko‘rsatkichlari) va ISK (integral samaradorlik koeffitsiyentlari) qiymatlari hisob-kitoblarining to‘g‘riligini va ularning bajarilish foizlarini tekshirish bo‘yicha auditorlik tashkilotining hisobotini ko‘rib chiqish.

7. “O‘zRTXB” AJning korporativ boshqaruv tizimini quyidagilar bo‘yicha xolisona baholash natijalari yuzasidan hisobotini tinglash:

- korporativ boshqaruv kodeksida belgilangan tavsiyalarga 2022-yilda rioya qilinishi bo‘yicha;

- davlat ishtiroki (ulushi) bo‘lgan korxonalar uchun Korporativ boshqaruv qoidalariga rioya qilinishi yuzasidan 2022-yilda o‘tkazilgan monitoring natijalari bo‘yicha.

8. “O‘zRTXB” AJning 2023-2025-yillarga mo‘ljallangan rivojlanish strategiyasini tasdiqlash.

9. “O‘zRTXB” AJ Taftish komissiyasini bekor qilish va “O‘zRTXB” AJ Taftish komissiyasi to‘g‘risidagi Nizomni o‘z kuchini yo‘qotgan deb topish.

10. “O‘zRTXB” AJ Ustaviga o‘zgartish va qo‘shimchalar kiritish hamda yangi tahrirda tasdiqlash.

11. “O‘zRTXB” AJning ichki hujjatlariga o‘zgartish va qo‘shimchalar kiritish va ularni yangi tahrirda tasdiqlash:

- “O‘zRTXB” AJ Ijroiya organi – Boshqaruvi  to‘g‘risidagi Nizom;

- “O‘zRTXB” AJ Kuzatuv kengashi to‘g‘risidagi Nizom;

- “O‘zRTXB” AJ aksiyadorlarining umumiy yig‘ilishi to‘g‘risidagi Nizom;

- “O‘zRTXB” AJning dividend siyosati.

12. Birjaning 2022-yildagi sof foydasini taqsimlash, dividendlar miqdorini, ularni to‘lash shakli, tartibi va muddatlarini aniqlash.

13. “O‘zRTXB” AJ Kuzatuv kengashi a‘zolarini saylash.

14. “O‘zRTXB” AJ boshqaruvi raisi va boshqaruvi a'zolarining vakolatlarini uzaytirish to‘g‘risida.

15. “O‘zRTXB” AJning tashkiliy tuzilmasiga o‘zgartirishlar kiritish va uni yangi tahrirda tasdiqlash.

16. “O‘zRTXB” AJning joriy xo'jalik faoliyati bilan bog‘liq bitimlarni aniqlash.

17. 2022-yilda xayriya (homiylik) va boshqa beg‘araz yordam uchun qilingan to‘lovlarni, shuningdek, 2023-yil uchun xayriya va boshqa beg‘araz yordam uchun kutilayotgan xarajatlarni tasdiqlash.

18. 2023-2024-yillar uchun “O‘zRTXB” AJ ijro etuvchi organiga to‘lanadigan mukofotlar va kompensatsiyalarning cheklangan miqdorini belgilash.

19. Talab qilinmagan dividendlarni hisobdan chiqarish to‘g‘risida.

Aksiyadorlarning umumiy yig‘ilishida ko‘rib chiqiladigan materiallar bilan aksiyadorlar Toshkent shahar, Yakkasaroy tumani, Bobur ko‘chasi 77-uyda joylashgan Birja binosida,

2023-yil 9-martdan boshlab aksiyadorlarning yillik umumiy yig‘ilishi o‘tkaziladigan kunga qadar ish kunlari soat 10-00 dan 16-00 gacha tanishib chiqishlari mumkin.

Aksiyadorlar http://evote.uz/ internet saytining elektron ovoz berish servisi orqali yig‘ilishda ishtirok etish huquqiga ega bo‘lgan aksiyadorlar ro‘yxatiga kiritilganligi haqida elektron xabar olgan vaqtdan boshlab Aksiyadorlarning umumiy yig‘ilishida ishtirok etuvchi aksiyadorlar sifatida ro‘yxatdan o‘tkazilgan deb hisoblanadi.

Aksiyadorlarning yillik umumiy yig‘ilishida elektron ovoz berish servisi orqali ishtirok etish qoidalari (shartlari) bilan http://evote.uz/ saytida tanishib chiqishingizni so‘raymiz.

Aksiyadorlarning umumiy yig‘ilishida ishtirok etish va ushbu yig‘ilishda ko‘rib chiqiladigan materiallar bilan tanishish yuzasidan savollar bo‘yicha (71) 207-00-33 (ichki:1045) telefon raqami orqali murojaat qilishingizni so‘raymiz.

Aksiyadorlar o‘z murojaatlarini quyidagi elektron manzillarga yuborishlari mumkin: info@uzex.uz, info@rtsb.uz.