Биржанинг цемент бозори қурилиш мавсуми авж олганлигига қарамасдан сўнги 3,5 ой давомида пасайиш динамикасини намоён этди. Хусусан июль ойнинг биринчи ярмида ПЦ400 Д20 маркали цементнинг ўртача нархи 258,2 минг сўмни ташкил этди ва бу март ойида қайд этилган 2015 йилнинг энг юқори нархидан 16%га пастроқдир.

Брокерлар ва биржа мижозларига қўшимча қулайликлар яратиш, ҳамда биржа савдоларида ахборот-коммуникация технологиялар (АКТ) ни тадбиқ этиш орқали ошкоралик ва очиқ-ойдинликни таъминлаш мақсадида Ўзбекистон Республика товар-хомашё биржасининг мутахассислари томонидан UZEX мобил иловаси ишлаб чиқилди ва жорий этилди.

2 июлда “ЎзРТХБ” АЖнинг марказий аппарати биносида Тошкент филиали Тошкент ва Тошкент вилоятида жойлашган кичик бизнес ва хусусий тадбиркорлик вакиллари учун Очиқ эшиклар кунини ўтказди.

ЎзРТХБ электрон каталогида тузилган битимларнинг умумий ҳажми, унинг биржада жорий этилган пайтдан бир ой ўтгач 7,9 млрд сўмдан ошди. Биржанинг янги савдо платформасидаги юқори даражадаги сотувлар етказиб берувчилар электрон каталог орқали сотиш учун билдирилаётган қизиқишларининг тобора ортиб бораётганлиги билан изоҳланади.

Сўнги йиллар давомида “ЎзРТХБ” АЖ электрон савдо тизимларини жорий этиш ва такомиллаштириш юзасидан изчил ишларни олиб бормоқда. Хусусан Ўзбекистон Республикаси Вазирлар Маҳкамасининг 2015 йилнинг 26 мартидаги 69-сонли қарорлари мувофиқ жорий йилнинг 1 июнидан электрон каталог – янги савдо тизими жорий этилган эди. Ушбу савдо платформаси ишлашига қисқа вақт ўтганлигига қарамасдан, унда тузилган битимларнинг умумий ҳажми 4 млрд сўмдан ошди.

2015 йилнинг 18 июнь куни Ўзбекистон Республикасининг Хусусийлаштириш, монополиядан чиқариш ва рақобатни ривожлантириш давлат қўмитаси томонидан Ўзбекистон республика товар-хомашё биржаси билан ҳамкорликда “Ўзбекистон республика товар-хомашё биржаси томонидан электрон харидларни ташкил этилиши ва ўтказилишида очиқ-ошкораликни таъминланиши, уларда кичик бизнес субъектларининг иштирокининг аҳамияти ва жорий этилган янги савдо платформасининг истиқболлари” мавзусида матбуот анжумани ўтказилди.

5-6 июнда Ўзбекистон республика товар-хомашё биржасининг пойтахт филиали Тошкент ҳудудий саноат ярмаркаси ва кооперацион биржасида иштирок этди. Мазкур тадбир давомида филиал ходимлари томонидан ахборот ишлари олиб борилди, ярмарка тизимида битимлар тузилди, ҳамда викторина ташкил этилиб, унинг ғолиблари қимматбаҳо совринларга эга бўлдилар.

Ўзбекистон Республикаси Президентининг 2015 йил 15 майдаги «Хусусий мулк, кичик бизнес ва хусусий тадбиркорликни ишончли ҳимоя қилишни таъминлаш, уларни жадал ривожлантириш йўлидаги тўсиқларни бартараф этиш чора-тадбирлари тўғрисида» Фармонини бажариш мақсадида «ЎзРТХБ» АЖ 2015 йил 1 июнь кунидан бошлаб «давлат харидлари бўйича электрон каталог» – янги электрон савдо тизимини ишга туширди.